Edukasaun non-formal fatin aprendizazen ba joven no adultu

Radio, online - Edukasaun non-formal Villa-verde, Sub-Distritu Dom Alexio, Distritu Dili, hanesan parte ida husi Ministru Edukasaun (ME), ne’ebé realiza tamba servisu hamutuk liu husi koperasaun bilateral Timor Leste ho Cuba, UNICEF, UNESCO, USAaid, no Timor Aid. Edukasuan non-formal ne’e fatin ba aprendizazen ba joven no adultu sira.

Edukasaun non formal Villa-verde, halao ninia funsionamentu, atu servi no dezenvolve kuñesimentu humana, hodi oferese programa oi-oin ba ema la hatene lee no hakerek. Ba joventude sira la konsege remata ninia estudus no ba adultus sira, ne’ebé iha teritoriu tomak, ne’ebé deklara tuir politika Ministeriu da Edukasaun, 75% mak tuir ona prosesu aprendizazen no 25% mak seidauk.

“Iha tinan 2000 edukasaun non-formal hahu ona loke iha Balide, ne’ebé iha momentu ne’eba hetan apoiu husi aseesor Cubanu sira. Programa ne’e realiza ne’ebe governu Timor-Leste halo akordansia ho Prezidente Cuba, Fidel Castro,”dehan Xefi seksaun edukasaun nao formal, Francisco Amaral ba partisipantes treinamentu jornalizmu baziku husi distritu Cova-lima,  Kuarta, (27/2). 

Treinamentu ne’e organiza husi Timor Leste Media Development Centre (TLMDC),  hetan suporta husi Sekertariu Estado Juventude Desportu, (SEJD).

Iha 2005 diresaun Edukasaun non-formal muda ba iha ME nia okos. Parseiru Cubanu fo apoiu mai Timor oan nia atividade no fo mos assesoria ba iha ensinu rekorente iha 2007 ate 2012.

Nia hatutan tan katak, objetivu husi eskola non-formal mak atu hamenus la hatene hakerek no lee. Dalan ne’e ajuda juventude sira ne’ebé la konsege akaba sira nia estudu.

João Jinho Godinho Barros estudante non-formal hateten, nia sente kontente tebes ho inplementasaun programa ida ne’e, atu sira bele hadia sira nia kapasidade espesialmente iha area lingua Portuguesa no sai hanesan benefisiu boot. Kursu lingua Portuguesa tanba bele fo koñsimentu ba koalia lian ne’e refere no bele inplementa iha loron ikus.

“Hau kontente tebtebes, tanba ho inplementasaun programa ida ne’e ami bele hadia ami nia kapasidade, espesialmente iha lingua Portuguesa,”dehan João.

Grupu Distrito Cova-lima:

1.    Sebastiaon Noronha
2.    Efigenia de Araujo
3.    Teresa  F. Afonso
4.    Marculina Pereira
5.    Abe Pereira
6.    Fander