Jornalista presiza partisipa konstroe nasaun

Radio online, fonte jornal STL  - Primeiru Ministru (PM), Kay Rala Xanana Gusmão, apela ba jornalista sira atu tur hamutuk hodi diskuti kona-ba papél jornalismu nian iha sosiadade. Tanba jornalista hanesan komponenti husi rai ne’e presiza partisipa iha dezenvolvimentu no konstroe Nasaun.

“Hau apelu maka imi hotu tur hamutuk hodi koalia kona-ba papél jornalismu, li-liu papél jornalismu nian iha sosiadade ida ne’ebé ita konstrui hela ita ni estadu,” hateten peimeiru aministru Xanana Gusmão ba jornalista sira iha Palacio Prezidensia, Aitarak laran, kuarta (6/3).

Jornalista katak PM Xanana, presiza kurize mentalidade, no buka nia papel rasik atu partisipa iha prosesu dezenvolvimentu no konstrusaun Estadu, tantu direita no indireita.

Iha biban ne’e PM Xanan informa, iha 2008 mosu asosiasaun balu naran sindikatu, balu naran federasaun no balun tan naran organizasaun.

“Hau dehan ba sira katak se imi, nafatin hanesan ne’e, ha’u sei la kolia ho imi, nudar eis jornalista hau triste uituan maibe hau kontente ho imi nia vigor,  tanba imi hakarak halo buat hotu, hau tristi tanba tinan 10 ona imi ladun tau matan ba imi nia an rasik,” hateten Xanana.

Estadu katak PM Xanana iha obrigasaun atu apoia, laos atu kesi jornalista sira la bele fo sai buat at, maibe, apoiu liu husi konstrusaun Estadu, transfer  mentalidade no konstrui mentalidade.

PM lembra katak, iha inkontru balu sei kolia ho jornalista atu hamutuk hodi hare buat ne’ebé presiza apoiu estadu nian, tanba fundus dezenvolvimentu kapital umanu, fo osan ba media hodi hare programa balu maibe realidade la la’o. tan ne’e PM nafatin apela ba sira atu hamutuk hodi koalia no identifika saida mak media persiza.

“Persiza liu mak jornalista sira nia formasaun no kapasitasaun, maibe presija mos jornalista sira nia programa,” tenik PM.

Governu katak, PM Xanana bele fo fundus dezenvolvimentu capital humanu, maibe humanu governu nian, fundus dezenvolvimentu kapitál humanu katak, setor hot-hotu iha sosiadade. Nune’e presiza Guvernu nia apoiu, ne’e duni Guvernu presiza halo konferensia ida hodi kolia konaba asuntu ne’e. ***