Radio online, fonte STL – Primeiru Ministru (PM), kay Rala Xanana Gusão, lori povu sarani katolika Timor tomak, haruka mensagen fasilitasaun ba Amu Papa Francisco I, bainhira hili nia hodi lidera igreza katolika universal iha Roma.
“Timor-Leste sei hetan orgullu no hetan onra bainhira sua santidade hakarak vizita ami nia Nasaun kiik ida ne’e.” hateten PM Xanana iha karta ne’ebé STL hetan asesu husi Portal Kintu Governu Konstitusional ninian, sigunda (01/04/2013).
Primeiru Ministru hakerek, karta ba Amu Papa Francisco I, iha Roma ho liafuan sira tuir mai ne’e: “ hodi governu ho Povu Timor-Leste nia naran, felisita Sua Santidade ne’ebé sa’e ba Katedrál São Pedro nian no hato’o ba ita, ami nia fiar iha ita boot nia dignidade nudar Papa”. Hateten PM Xanana iha ninia karta.
Alende ne’e PM Xanana mos fo hanoin konba faktu, katak TL hanesan Nasaun ida ne’ebé Katoliku duni, iha ne’ebé, igreza Katolika iha ninia knar, sentral ida iha luta ba TL nian hodi halo terminasaun ba ukun rasik an. Durante ami nia momentu balun ne’ebé nakukun tebe-tebes sai hanesan fonte esperansa no abrigu nian ida,” hateten PM Xanana liu husi nia karta.
Primeiru Ministru fo hanoin hikas Papa João Paulo II, iha tnan 1989, momentu istoriku ida ne’ebé fo inspirasaun n o hafoun povu sira nia fiar, tanba ne’e nia hato’o kedas konvite ba Papa foun etu halo vizita mai Nasaun ne’e (Timor-Leste). ***
