PR Taur kondolensia ba Eis PM Margaret Thatcer Fila hikas ba mundu seluk

Radio, online – “Ha’u foin rona ohin lian triste kona-ba foin mate eis-Primeira Ministra Baronesa Margaret Hilda Thatcher, husi Reinu Unidu,”dehan Prezidenti da Republika Taur Matan Ruak liu husi komunikadu da emprensa ne’ebe fo sai husi gabinete da informasaun liu husi via email Kinta, (11/4).

Eis-Primeira Ministra mós koñesidu hanesan “Dama Besi” tanba nia hahalok iha nia karreira polítika iha Reinu Unidu no mundu tomak. Nia eransa no lideransa ita la haluha no mantein nafatin.

Husi naran povu Timor-Leste nian, ha’u hakarak aprezenta ha’u nia pézames ba família eis-primeira ministra nian, no mós ba Governu I povu Reinu Unidu nian.  Ha’u dezeja forsa iha momentu susar ida-ne’e. ***