Nemeru dezempregu TL sae ba 15%, skill sai obstaklu ba Timo oan

Radio online, fonte STL – Sekertariu Estadu Politika Formasaun Profesional Empregu (SEPFOPE), Ilidio da Costa Ximenes, hatete,  numeru dezempregu iha Timor-Leste dadaun sae ba 15% kresementu numeru iha TL  ho misaun ONU nian remata iha Dezembru liu ba.

“Dezembru iha TL antes ne’e 12% husi total populasaun TL, agora aumenta ba 15% tanba mandatu ONU remata nno fo impaktu ba fungsionariu sira tenke hapara servisu,”informa SEPFOPE, Ilidio ba STL hafoin partisipa serimonia lansamentu Asosiasaun alumni Australia, iha Otel Timor, Sesta (12/4).

Mas, nune’e Ilidio rekoinese, numeru dezempregu iha TL sei bele hatene serteza, tanba sistema baze de dadus SEPFOPE nian seidauk iha.

“Presiza duni atu hadia, no presiza duni hadia sistema hodi ita mos iha sensus ida ne’ebe klaru,”hatete Ilidio.

Tuir Ilidio, numeru dezempreu as nee laos deit iha TL, maibe iha mundu, nasaun barak mak dadaun infrenta situasaun. Maibe iha TL, V governu konstitusional iha ona politika atu redus numeru dezempregu liu husi programa formasaun ba joven atu asesu ba merkadu servisu.

“Ita iha area turizmu, agrikultura, peskas no industria bele fo kampo servisu ba joven sira,’dehan Ilido. ***