Radio, online - Dili, 9 Abríl 2013, Prezidente Repúblika Taur Matan Ruak, Tersa-feira ne’e simu iha audiénsiaSenadór John Madigan hosi Partidu Demokrátiku Traballista Austrália, iha PalásiuPrezidensiál Nicolau Lobato, Dili.
Enkontru ne’e hanesan enkontru informál ida ne’ebé mak senadór Madigan mai aprezentakumprimentus ba Xefe Estadu.
Komunikadu da emprensa nee, radioliberdade. com asesu liu husi via email, foin lalais ne’e.
Iha enkontru badak ne’e, Xefe Estadu esplika ba Senadór Madigan kona-ba dezafiusira ne’ebé Timor-Leste enfrenta durante ne’e.
Komunikadu ne’e dehan, Prezidente mós realsa Estadu no Governu Timor-Leste nia kometimentu ba oin oinsá atu halo dezenvolvimentu hodi halakon kiak iha rai-laran.
Xefe Estadu mós aproveita vizita kortezia husiSenadór Madigan, hodi agradese barak ba elementus husi Partidu Demokrátiku Traballista nian no mós ba povu no governu australianu ba sira-nia jenerozidade apoiu ona Timor-Leste iha área oioin durante tinan 13 ikus ne’e. ***
