Opiniaun

Tansaida problema NINJA iha Maliana la iha hun no rohan?

Radio, online - Opiniaun ne'e ninia kontiudu tomak responsavel husi hakerek nain no instituisaun. Redasaun fo pasu menu ne'e hodi ejerse ema no instituisoens nia hanoin no ideias konaba asuntu ruma ba prosesu dezenvolvimentu Timor-Leste.

Tansaida problema NINJA iha Maliana la iha hun no rohan?

Perguntas iha leten fo hanoin ba autoridade governu katak tenke tau siguransa makas hanesan Polisia Nasional Timor-Leste, Intelejensia, inklui guarda siguransa sivil, Companha siguransa Privadu Sicurity Maubere, APAC, GUARDAMOR no siguransa sira seluk-seluk tan, hodi fo siguransa edifisiu governu nian tau guarda siguransa hodi matan moris neon nain.

Foin dadaun semana rua liu ba iha loron 4 Fevereiru 2014 iha grupu organizadu ema bolu NINJA ema nain hat resin taka halo oin metin halo atakasaun uma privadu lima, no iha edifisiu publiku rua, edifisiu Rejistu Sivil Distritu Bobonaro, no edifisiu Diresaun Rejional Transporte e Trestres iha Sub-Distritu Maliana.

Tansaida problema Ninja iha Maliana la hotu hela deit?, ka problema dezempregu? ka patrolamentu husi PNTL maka la la’o durante 24 oras? Ka ita nian Intelejen maka la’o fraku? Ka durante ne’e EDTL iha Maliana la tau ahi dalan (Lampu Malam) iha trotoal sira ne’e?

Problema refere kritika mos husi reprezentante iha uma fukun Parlamentu Nasional (PN) husu ba Komandu PNTL, atu halo investigasaun profunda ba grupu ninja. “Ita husu ita nia polisia no ajensia intelenjensia buka hatene no identifika atividade krime organizadu iha rai laran hodi hatene motivu ne’ebé ho karakter ninja ne’e.” dehan Vise PN, Aderito Hugu da Costa ba STL iha Salau Hotel Timor, Sesta 14/02/2014).

Problema ninja la’os foin maka akontese tinan ida ne’e. Maibe iha tinan 2010 iha grupo organizadu ninja sempre halo asaltu be-beik hodi naok Laptop 35 iha kolegio Madre sira nian.   

Ikus liu hakarek nain husu ba ministeriu kompetente bele ka lae? kada edifisiu governu tenke tau guarda siguransa sivil? Tamba edifisiu governu hotu-hotu patromonia estadu.

Husi: Moisés Vicente

Hakerek nain Servisu iha Fundasaun Mahein, no Hanorin Volluntario iha Eskola Sekundario São Jose Operário, Balide, Dili.

Latest News

Timor-Leste Development Media Center 

© 2017 Radio Liberdade Dili. All Rights Reserved. Designed by Kalohan.net - Powered by Media Development Center.

Member Login