Radio, online – Movimentu Kontra Okupsaun Tasi Timor kontinua halo manifestasaun pasifika tama bad ala hat (4), ohin, (10/12) hanesan loron Internasional Direitus Humanus (DH). Refleta ho loron ne’e, povu Timor oan tomak nafatin ejiji direitus konaba riku soin iha tasi Timor hasoru governu Australia konsedera hanesan governu ne’ebe lidera husi Primeiru Ministru Australia, Tony Aboot arogansia, laiha moral no naok povu TL nia riku soin
Porta Voz Movimentu Kontra Okupsaun Tasi Timor Dimetrio Amaral liu husi ninia orasi halo apelu ba povu tomak, liliu ba joven aswain sira katak, luta ba independensia hetan ona no agora ba oin nafatin luta ba governu Australia ne’ebe halo manobra hodi naok riku soin TL, liu husi tasi Timor.
“Hau husu mai ita luta kontra invazor foun, governu Australia oras ne’e dadaun halo hahalok at, halo fali espionazen no dada-an husi akordu CMATS ne’e hanesan hahalok naokten hodi nafatin naok povu TL nia riku soin, liu husi esplorasaun mina iha tasi Timor. Ita povu hatudu ita nia matenek ejiji nafatin ba invazor foun iha TL ninia independensia ne’e,”komenta Dimetrio.
Iha manifestaun ba dala tolu (3), horseik iha Embaisada Australia nia oin, iha labarik sira kaer spaduk ho lian Ingles dehan, Ausie gov, if you are truly democratic country please release our lawyer and key witness now! Ausie gov..!. iha mos spanduk ida ho lia fuan Mr Abbott, please respect the right to have a better future for children of Timor-Leste.
Tuir ajenda, ohin (10/12) manifestasaun pasifika sei kontinua hodi selebra mos loron Direitus Humanus.